હળવદ ખાતે વિશ્વ હિન્દુ પરિષદ અને બજરંગ દળ પ્રખંડ દ્વારા હુતાત્મા દિન નિમિત્તે મેગા રક્તદાન કેમ્પનું આયોજન કરવામાં આવ્યું હતું. અયોધ્યા રામ જન્મભૂમિ મુક્તિ આંદોલન દરમ્યાન ૩૦ ઓક્ટોબર થી ૨ નવેમ્બર ૧૯૯૦ દરમિયાન તત્કાલીન સરકારે નિર્દોષ કારસેવકો ઉપર ગોળીબાર કરી નિર્મમ હત્યા કરી હતી. આ વિર હુતાત્માઓના બલિદાનને સ્મરણ કરી સમગ્ર ભારતમાં બજરંગ દળ દ્વારા તા. ૩૦ ઑક્ટોબર થી ૨ નવેમ્બર સુધી રક્તદાન કેમ્પ યોજાય છે.તે અંતર્ગત હળવદ પ્રખંડમાં તા. ૧ નવેમ્બર, શનિવારે યોજાયેલ મેગા રક્તદાન કેમ્પમાં ૧૫૦થી વધુ બોટલ રક્ત એકત્રિત થયું હતું. સાથે સાથે હળવદ તાલુકાની જનસેવામાં દાતાશ્રીઓના સહયોગથી નવી એમ્બ્યુલન્સનું લોકાર્પણ પણ કરવામાં આવ્યું હતું.આ પ્રસંગે લક્ષ્મીનારાયણ મંદિરના મહંત દિપકદાસજી મહારાજ, પ્રભુચરદાસજી મહારાજ, અગ્રણી ઉદ્યોગપતિ જશુભાઈ પટેલ, ભવાની ગ્રુપના વ્રજલાલ ઠક્કર, દીપક શેઠ, સન્ની ઠક્કર, અશ્વિનભાઈ પટેલ, વેપારી મહામંડળ પ્રમુખ વિનોદભાઈ પટેલ, એસી એગ્રો ટેકનોલોજી ના એમ.ડી. રજનીભાઈ પટેલ, ડૉ. મિલનભાઈ માલપરા, વિશાલભાઈ રાવલ, તુલશીબાપા, જયેશભાઈ પટેલ, ભરતભાઈ રબારી, રમેશભાઈ ભગત, અશ્વિનભાઈ દલવાડી સહિત અનેક આગેવાનો, સામાજિક કાર્યકરો અને વિશ્વ હિન્દુ પરિષદ-બજરંગ દળના કાર્યકરો ઉપસ્થિત રહ્યા હતા.એમ્બ્યુલન્સના દાતાશ્રીઓ તરીકે સ્વ. કિશોરકુમાર અમૃતલાલ ઠક્કર (બકાભાઈ) અને **સ્વ. હિરૂબેન ડાયાભાઈ પટેલ (રાણેકપરવાળા)**ના પરીવારજનો ઉપસ્થિત રહી શ્રદ્ધાંજલિ આપી હતી.સમગ્ર કાર્યક્રમને સફળ બનાવવા બજરંગ દળ પ્રખંડ સૌરાષ્ટ્રના ભાવેશભાઈ ઠક્કર તથા વિશ્વ હિન્દુ પરિષદ હળવદના તમામ કાર્યકરો દ્વારા વિશેષ યોગદાન આપવામાં આવ્યું હતું.
