શહેરની રાવપુરા પોલીસે મોરબીના એક ભેજાબાજ યુવાનને નકલી આઈડી કાર્ડ કૌભાંડમાં દબોચી લીધો છે. મળતી માહિતી અનુસાર, મોરબીના ઘનશ્યામભાઈ ભાણજીભાઈ સંઘાણી નામના આ શખ્સ પાસે સીઆઈડી, ક્રાઈમ બ્રાન્ચ અને સીબીઆઈ જેવા વિભાગોના નકલી ઓળખપત્રો મળી આવ્યા હતા.પોલીસે પેટ્રોલિંગ દરમિયાન શંકાસ્પદ હાલતમાં તેને રોકી પૂછપરછ કરતા ચાર નકલી આઈકાર્ડ મળી આવ્યા હતા. પ્રાથમિક તપાસમાં જાણવા મળ્યું કે આ તમામ આઈકાર્ડ કોઈ સરકારી માન્યતા કે વેરિફિકેશન વિના બનાવવામાં આવ્યા હતા.રાવપુરા પોલીસે ખોટી ઓળખ બનાવી ઠગાઈ કરવાના આરોપસર તેની વિરુદ્ધ ગુનો નોંધ્યો છે અને વધુ તપાસ હાથ ધરી છે. વડોદરા શહેરમાં મોરબીના આ ભેજાબાજની ધરપકડ બાદ ખળભળાટ મચી ગયો છે અને લોકોમાં ચર્ચાનો વિષય બન્યો છે.
