હળવદ તાલુકાની ધુળકોટ ગામની સીમમાં હળવદ પોલીસે ગુપ્ત બાતમીના આધારે દરોડો પાડતાં બોલેરો પીકઅપમાંથી દેશી દારૂનો મોટો જથ્થો ઝડપી પાડ્યો છે.
પોલીસે વાહન સાથે કુલ કિંમત રૂ. ૬,૦૫,૨૫૦/- નો મુદામાલ કબજે કર્યો છે. જેમાં ૩૭૦ લીટર દેશી દારૂ, ૧૨૫૦ લીટર દારૂ બનાવવાનો આથો તથા બોલેરો પીકઅપનો સમાવેશ થાય છે.
આ કાર્યવાહી દરમિયાન યોગેશભાઈ ઉર્ફે યોગલો હિરાભાઈ છનુરા (રહે. જૂના ઘાંટીલા, તા. માળીયા મી.) ને પોલીસએ ઝડપ્યો હતો, જ્યારે તેનો સાથીદાર સંજયભાઈ નથુભાઈ સાલાણી (રહે. ઇન્દીરાનગર, મોરબી) ફરાર થઈ ગયો છે.
હળવદ પોલીસે બંને આરોપીઓ સામે પ્રોહિબિશન એક્ટ હેઠળ ગુનો નોંધાવી વધુ તપાસ હાથ ધરી છે.
